ભારત અને વિન્ડિઝ વચ્ચે આજે ચેન્નાઈમાં પ્રથમ વન ડે

            
– બપોરે 1.30થી મેચનો પ્રારંભ: ચેન્નાઈનો વરસાદી વાતાવરણથી ચિંતા

ચેન્નાઈ, તા. 14 ડિસેમ્બર 2019, શનિવાર

કોહલીની કેપ્ટન્સી હેઠળની ટીમ ઈન્ડિયા આવતીકાલથી શરૂ થઈ રહેલી વિન્ડિઝ સામેની ચાલુ વર્ષની આખરી વન ડે શ્રેણીમાં વિજયી શુભારંભના ઈરાદા સાથે ઉતરશે. વિન્ડિઝના લડાયક દેખાવ છતાં ટીમ ઈન્ડિયાએ પાવર હિટીંગ અને ક્લાસિક બોલિંગને સહારે ટી-૨૦ શ્રેણીમાં ૨-૧થી રોમાંચક જીત હાંસલ કરી લીધી છે.

હવે ભારતીય ક્રિકેટરો વન ડેના ફોર્મેટમાં પણ પોતાની શ્રેષ્ઠતા પૂરવાર કરવા માટે ઉત્સુક છે. હોમગ્રાઉન્ડ પર ટીમ ઈન્ડિયાનો દેખાવ જબરજસ્ત રહ્યો છે, છતાં આ વખતે ભારત ઘરઆંગણે અત્યાર સુધી માત્ર એક જ વન ડે શ્રેણી રમ્યું છે અને તેમાં તે ઓસ્ટ્રેલિયા સામે હાર્યું હતુ. આવતીકાલથી શરૂ થઈ રહેલી વિન્ડિઝ સામેની વન ડે શ્રેણીમાં ટીમ ઈન્ડિયાની નજર  ચાલુ વર્ષે ઘરઆંગણે સૌપ્રથમ વન ડે શ્રેણી જીતવા તરફ પણ રહેશે.

ચેન્નાઈમાં બપોરે ૧.૩૦ વાગ્યાથી મેચનો પ્રારંભ થશે. ચેન્નાઈનું વાતાવરણ વાદળ છાયું રહે તેવી આશા રાખવામાં આવી રહી છે. જોકે શિયાળાની ઠંડી અને વાદળછાયુ વાતાવરણ મેચ પર પ્રભાવ પાડી શકે તેમ છે. વિન્ડિઝના પાવરહિટરોની સામે ટીમ ઈન્ડિયાના બોલરોએ શ્રેષ્ઠ દેખાવ કરવા માટે તૈયાર રહેવું પડશે. કેપ્ટન કોહલી અને રોહિત જેવા ધુરંધર બેટ્સમેનો પર તો ટીમ ઈન્ડિયાની બેટીંગનો મુખ્ય આધાર રહેશે.

જોકે યુવા પ્રતિભાઓએ પણ તેમને મળી રહેલી તકને ઝડપી લઈને મોટી ઈનિંગ્સ રમવા માટે તૈયાર રહેવું પડશે. ધવન અને ભુવનેશ્વર જેવા અનુભવી ખેલાડીઓની ખોટ ટીમ ઈન્ડિયાને પડશે. જોકે તેમના સ્થાને ટીમમા સમાવાયેલા મયંક અગ્રવાલ અને શાર્દૂલ ઠાકુરને પ્લેઈંગ ઈલેવનમાં સામેલ કરવામાં આવે તેવી સંભાવના ઓછી છે. છેલ્લા ૨૪ કલાકમાં ચેન્નાઈમાં વરસાદ પડી ચૂક્યો છે, જેના કારણે બંને ટીમોની સાથે સાથે આયોજકો પણ ચિંતિત બન્યા છે. 

રોહિત અને કોહલીએ લાંબી ઈનિંગ રમવી પડશેરોહિત શર્મા અને કે.એલ. રાહુલની ઓપનિંગ જોડીએ ટી-૨૦માં શાનદાર દેખાવ કર્યો છે અને હવે તેઓ વન ડેમાં પણ તેને જારી રાખવા માટે ઉત્સુક છે. કેપ્ટન કોહલીએ પણ કમાલનું પર્ફોમન્સ આપ્યું છે. વિન્ડિઝના બોલરો સામે આક્રમક બેટીંગ કરનારા ભારતીય કેપ્ટનને વન ડેના ફોરમેટમાં પણ વધુ ઉંચાઈએ પહોંચવાની તક છે.

શિવમ દુબે વન ડાઉન ઉતરીને ટી-૨૦માં અડધી સદી ફટકારી ચૂક્યો છે અને હવે ટીમ મેનેજમેન્ટ તેને ટોપ ઓર્ડરમાં વધુ એક મોકો આપવા વિશે વિચારી શકે છે. ભારતીય બેટીંગ લાઈનઅપનો મુખ્ય મદાર ઓપનર રોહિત શર્મા અને કેપ્ટન વિરાટ કોહલી છે. અનુભવી બેટ્સમેનોએ પીચ પર ટકીને રમવું પડશે, જેથી ટીમ ઈન્ડિયા જંગી સ્કોર ખડો કરીને હરિફો પર ભારે દબાણ સર્જે તેવી શક્યતા છે. 

યુવા બેટ્સમેનો પર પર્ફોમન્સનું દબાણવિન્ડિઝ સામેની ટી-૨૦ શ્રેણીમાં ટીમ ઈન્ડિયાએ જીત હાંસલ કરી હતી. જોકે યુવા બેટ્સમેનો આ સિરીઝમાં ખાસ પ્રભાવ પાડી શક્યા નહતા. ઓપનર રાહુલે આક્રમક દેખાવ કર્યો હતો અને પોતાનું સ્થાન નિશ્ચિત કર્યું હતુ. જોકે પંત તેમજશ્રેયસ ઐયર જેવા બેટ્સમેનોનો દેખાવ સંતોષકારક રહ્યો નથી. મનીષ પાંડેને ટી-૨૦ સિરીઝમાં તક મળી શકી નહતી. હવે તેને વન ડેમાં અજમાવવામાં આવી શકે તેમ છે. શિવમ દુબે આગામી સમયમાં અચ્છો ઓલરાઉન્ડર સાબિત થઈ શકે તેમ છે.

તેણે બોલિંગ અને બેટીંગમાં પોતાની પ્રતિભાનો ચમકારો દેખાડી દીધો છે અને આવી સ્થિતિમાં તેને વન ડેમાં પણ વધુ મોકા મળશે તે નિશ્ચિત લાગી રહ્યું છે. ઓલરાઉન્ડર જાધવે પણ પુનરાગમન કર્યું છે અને તે પ્લેઈંગ ઈલેવનમા નિશ્ચિત મનાય છે. પંતે તેની ૧૨ વન ડેની કારકિર્દીમાં હજુ એક પણ અડધી સદી ફટકારી નથી. જ્યારે ઐયરે માત્ર ૯ વન ડેની ૭ ઈનિંગમાં ચાર અડધી સદી ફટકારીને ટીમમાં સ્થાન નિશ્ચિત કર્યું છે. પંત આ સિરિઝમાં તો ચોક્કસ ભારે દબાણ હેઠળ રમશે

વિન્ડિઝને અસાધારણ દેખાવ સાથે સફળતાની આશાભારત સામે ટી-૨૦ શ્રેણીમાં આક્રમક શરૂઆત બાદ વિન્ડિઝની ટીમનો દેખાવ આખરી મેચમાં અત્યંત નિરાશાજનક રહ્યો હતો. જોકે પોલાર્ડની આગેવાની હેઠળની ટીમના ખેલાડીઓને હવે વન ડે ના ફોર્મેટમાં વિજયી દેખાવની આશા છે. પોલાર્ડ અને હેતમાયેર ઉપરાંત હોલ્ડર તેમજ રોસ્ટન ચેઝ ભારતીય ટીમને પરેશાન કરી શકે છે.

શાઈ હોપ અને નિકોલસ પૂરણ પણ ભારતીય બોલરોની સામે પ્રભુત્વસભર બેટીંગ કરી શકે તેમ છે. આવી સ્થિતિમાં ભુવનેશ્વરની ગેરહાજરીમાં શમીએ જવાબદારી સંભાળવી પડશે. વિન્ડિઝના યુવા બોલરોએ કોટ્રેલ તેમજ પોલ અને વોલ્શે પ્રભાવ પાડયો છે. ઓપનર સુનિલ એમ્બ્રિસ પણ ભારતની મુશ્કેલી વધારી શકે છે.

ભારત: કોહલી (કેપ્ટન), રોહિત (વાઈસ કેપ્ટન), અગ્રવાલ, ચહલ, ડી.ચાહર, દુબે, ઐયર, જાડેજા,જાધવ, કુલદીપ, ઠાકુર, શમી, પાંડે, પંત (વિ.કી.), રાહુલ. 

વિન્ડિઝ: પોલાર્ડ (કેપ્ટન), એમ્બ્રિસ, ચેઝ, કોટ્રેલ, હેતમાયેર, હોલ્ડર, શાઇ હોપ, જોસેફ, કિંગ, લુઈસ, પોલ, પિયર, પૂરણ, શેફર્ડ, વોલ્શ.
Taken on: December 14, 2019
Tags:
Sports
ભારત
વિન્ડિઝ
વચ્ચે
આજે
ચેન્નાઈમાં
પ્રથમ
વન
ડે « less
Stats: 11 views
go back
Link to this photo view:
Link to this photo large view: